अमळनेर (प्रतिनिधी) लहान भाऊला जीवेठार मारण्याची धमकी देत एका १४ वर्षीय मुलीवर अत्याचार करणाऱ्या २० वर्षीय तरूणाविरुद्ध अमळनेर पोलीस स्थानकात गुन्हा दाखल करण्यात आला आहे. धक्कादायक म्हणजे पिडीता अत्याचारातून गर्भवती राहिली आहे.
याबाबत पिडीतेने दिलेल्या फिर्यादीत म्हटले आहे की, १३ जुलै ते १७ सप्टेंबरच्या दरम्यान, विशाल बाबुराव कोळी (वय २० वर्ष) याने मागील ३ महीन्यापासून पिडीतेच्या घराच्या मागच्या दरवाजाने घरात येवून पिडीतेच्या लहान भाऊला जिवे मारण्याची धमको देत पिडीतेवर वारंवार अत्याचार केला. यामुळे पिडीता गर्भवती झाली. दरम्यान, पोलिसांनी विशाल कोळीविरुद्ध पोस्कोसह विविध कलमान्वये गुन्हा दाखल करण्यात आला असून पुढील तपास पोलीस उप निरीक्षक भगवान शिरसाठ हे करीत आहेत.
