पाळधी, ता. धरणगाव (प्रतिनिधी) येथील सावदा रिंगणगाव रस्त्यावरील शेतात नाशिकचे प्रोबेशनरी डीवायएसपी नितीन खानापुरे यांनी पथकासह पत्त्याच्या जुगार अड्ड्यावर टाकलेल्या धाडीत तब्बल १२ जणांना अटक करण्यात आली आहे. ही धाड मंगळवारी रात्री आठच्या सुमारास टाकली होती. तसेच यात जळगावातील काही आजी-माजी नगरसेवकांसह नामांकित व्यक्तींचा समावेश असल्याचे सूत्रांनी सांगितले.
याबाबत वृत्त असे की, रोहिणी हॉटेलच्या पाठीमागे टाकलेल्या धाडीत ५८ हजार रुपये जप्त करण्यात आले असून वाहने देखील जमा करण्यात आली आहे. या प्रकरणी नुरा गुलाम पटेल, निसार शहा मस्तानी शहा, समाधान अर्जुन माळी, विक्रम श्रीराम सपकाळे, मनोज बाविस्कर, अमोल रामकृष्ण सपकाळे,रवींद्र शोभणे, नारायण रामचंद्र पाटील, किरण पिंजारी, योगेश पिंजारी, राजेंद्र चौधरी, विलास सुधाकर माळी, मुकेश महाजन, राजू जगन्नाथ बडगुजर, प्रकाश कोळी, कुणाल कोळी, नदीम शेख यांच्या विरुद्ध गुन्हा दाखल करून अटक करण्यात आली आहे.
तसेच खानापुरे यांच्या पथकाने संदीप बिऱ्हाडे, प्रकाश कोकाटे, अमोल कार्डेकर, फारुक शेख यांचा समावेश असून ही कारवाई करण्यात आली. दरम्यान याप्रकरणी पाळधी पोलिसात गुन्हा दाखल करण्याचे काम रात्री उशिरापर्यंत सुरू होते.
