पाचोरा (प्रतिनिधी) तालुक्यातील भोरटेक फाट्याजवळ दुचाकी स्वाराच्या डोक्यात काठीने वार करत ३५ हजार रुपये रोख व ६ हजार रुपये किंमतीची चांदीची चैन अज्ञात चोरट्यांनी चोरुन नेल्याची खळबळजनक घटना घडली आहे.
या संदर्भात अधिक असे की, फकिरा शेख निजाम मुजावर (वय ३०) रा. नागद रोड, चाळीसगाव हे नागद – कजगाव मार्गे मोटरसायकल (क्रं. एम. एच. १९ ए, के. ४३८८) ने जात असताना समोरुन येणारी दुचाकी (क्रं. एम एच. १९ डी.एस. ९०५३) वरील मागे बसलेल्या इसमाने फकिरा मुजावर यांच्या डोक्यात काठीने मारुन जखमी केले. तसेच त्यांच्या जवळील ३५ हजार रुपये रोख व ६ हजार रुपये किंमतीची चांदीची चैन चोरुन नेली. फकिरा मुजावर यांच्या फिर्यादीवरून पाचोरा पोलिस स्टेशनमध्ये दोन अज्ञात चोरट्यांविरुद्ध गुन्हा नोंदवण्यात आला असुन घट्नेचा पुढील तपास पोलिस उपनिरीक्षक योगेश गणगे हे करीत आहे.
