जळगाव (प्रतिनिधी) माजी महापौर अशोक सपकाळे यांचा मुलगा राकेश याचा मध्यरात्री अज्ञात हल्लेखोरांनी धारदार शस्त्राने वार करून खून केल्याची घटना घडल्यामुळे शहरात प्रचंड खळबळ उडाली आहे. दरम्यान दोन संशयितांंना पोलिसांनी ताब्यात घेेतल्याचे कळते.
यासंदर्भात अधिक असे की शिवाजीनगर परिसरातील उस्मानिया पार्कजवळ मध्यरात्री 12 वाजेच्या सुमारास अज्ञात हल्लेखोरांनी राकेश अशोक सपकाळे {(वय 28) याला धारदार शस्त्राने भोसकले. गंभीर अवस्थेत राकेश याला ओम क्रिटिकल या खासगी रुग्णालयात दाखल करण्यात आले. परंतु डॉक्टरांनी त्याला मृत घोषित केले. या घटनेनंतर परिसरात प्रचंड तणाव निर्माण झाला होता. त्यामुळे पोलिसांनी घटनास्थळी प्रचंड बंदोबस्त लावलेला आहे. दरम्यान या खून प्रकरणी शहर पोलिसांनी दोघांना ताब्यात घेतल्याचे कळते. दरम्यान पोलिस अधीक्षक प्रवीण मुंडे अपर पोलीस अधीक्षक कुमार चिंता किरणकुमार बकाले यांनी घटनास्थळी भेट देऊन पोलिसांच्या तपासाबाबत सूचना केल्या आहेत.
