धरणगाव (प्रतिनिधी) तालुक्यातील गंगापुरी व पष्ठाणे येथील अवैध दारूबंदी करण्यात यावी, यासाठी अखिल भारतीय भ्रष्टाचार निर्मुलन संघर्ष समितीने आज पोलिसांना निवेदन दिले.
गंगापुरी व पष्ठाणे या गावात हातभट्टी दारू ही कायम स्वरूपी बंद करावी आणि महिलाचे संसार उध्वस्त होण्यापासून वाचवावे. तसेच या दोघ गावातील दारू बंद झाली नाही तर, धरणगाव पोलीस स्टेशन समोर संघटनेच्या वतीने आमरण उपोषण करण्यात येईल, असा इशारा देण्यात आला आहे. या निवेदनावर माया कोळी, लीलाताई सोनवणे यांच्यासह अनेक महिला उपस्थित होत्या. या महिलांचे निवेदन सपोनि भाऊसाहेब पाटील यांनी स्वीकारले.
