अमळनेर (प्रतिनिधी) शहरातील प्रताप मिल कंपाउंड जवळ राहणाऱ्या एका तरुणाचे बंद घराचे कुलूप तोडून आत प्रवेश करत घरातून 69 हजार रुपये किमतीचे सोन्याचे दागिने व रोकड चोरून नेल्याची घटना सोमवारी 9 सप्टेंबर रोजी सकाळी 7.30 वाजता समोर आले आहे. याप्रकरणी दुपारी 4 वाजता अमळनेर पोलीस ठाण्यात अज्ञात चोरट्यांवर गुन्हा दाखल करण्यात आला आहे.
याबाबत अधिक माहिती अशी की , विजय ब्रिजलाल पाटील (वय 39 रा. प्रताप मिल कंपाऊंड जवळ अंमळनेर), हे आपल्या परिवारासह वास्तव्याला आहे. खाजगी नोकरी करून ते आपला उदरनिर्वाह करत असतात. रविवारी 8 सप्टेंबर रोजी रात्री 11 वाजेपासून त्यांचे घर बंद होते. दरम्यान अज्ञात चोरट्यांनी त्यांच्या बंद घराची दरवाजाचे कुलूप तोडून आत प्रवेश करत 15 हजार रुपयांची रोकड आणि सोन्याचे दागिने असा एकूण 69 हजार रुपयांचा ऐवज चोरून नेल्याची घटना घडली. हा प्रकार दुसऱ्या दिवशी सोमवारी 9 सप्टेंबर रोजी सकाळी 7.30 वाजता समोर आली आहे. याप्रकरणी विजय पाटील यांनी अमळनेर पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल नाना पवार करीत आहे.
