भुसावळ (प्रतिनिधी) शहरातील रेणुका माता मंदिराजवळील राहणाऱ्या एका वकिलाचे घरातून एलईडी टीव्ही टीव्ही, घड्याळ आणि ज्युपिटर मोटरसायकल असा एकूण 93 हजार रुपयांचा ऐवज चोरून नेल्याची घटना 7 सप्टेंबर रोजी सकाळी 11.30 वाजता समोर आले आहे. याप्रकरणी सोमवारी 9 सप्टेंबर रोजी दुपारी 4 वाजता भुसावळ बाजारपेठ पोलीस ठाण्यात गुन्हा दाखल करण्यात आला आहे.
श्याम चंद्रकांत श्रीगोंदेकर (वय-57 रा. आयशर कॉलनी, नाशिक), हे आपल्या परिवारासह वास्तव्याला आहे. त्यांचे भुसावळ शहरातील रेणुका माता मंदिराजवळ घर आहे. या ठिकाणी ५ सप्टेंबर ते ७ सप्टेंबर रोजीच्या दरम्यान त्यांच्या बंद घराच्या दरवाजा तोडून घरातून एलईडी टीव्ही, टायटनची घड्याळ आणि घरासमोर लावलेली ज्युपिटर मोटरसायकल असा एकूण 93 हजार रुपयांचा ऐवज चोरून येण्याची घटना सात सप्टेंबर रोजी सकाळी 11.30 वाजता समोर आली आहे. याप्रकरणी सोमवारी 9 सप्टेंबर रोजी दुपारी 4 वाजता भुसावळ बाजारपेठ पोलीस ठाण्यात अज्ञात चोरट्यांवर गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल विजय नेरकर हे करीत आहे.
