चाळीसगाव (प्रतिनिधी) तालुक्यातील गोरखपूर तांडा येथील २५ वर्षीय तरूण डोंगरी नदीत वाहून गेल्याची घटना आज सकाळच्या सुमारास घडली. या तरुणाचा शोध प्रशासनाकडून केला जात आहे.
यासंदर्भात अधिक असे की, चाळीसगाव तालुक्यातील गोरखपूर तांडा येथील सोमनाथ रामजी राठोड (वय २५) हा तरूण सकाळच्या सुमारास शेतात गेलेला असताना गावालगत असलेल्या डोंगरी नदीच्या पात्रात वाहून गेल्याची घटना आज बुधवारी २९ सप्टेंबर रोजी सकाळी ८ वाजेच्या सुमारास उघडकीला आली आहे. दरम्यान सदर घटनेची माहिती मिळताच चाळीसगाव ग्रामीण पोलीसांनी घटनास्थळी धाव घेतली आहे. सोमनाथ रामजी राठोड या तरूणाचा तपास ग्रामस्थांकडून सकाळपासून सुरू आहेत. मात्र त्याचा थांग कुठेच लागलेला नाही. बेपत्ता झालेल्या तरूणाचा शोध कार्य प्रशासनाकडून केले जात आहे.
