धार्मिक भावना दुखावणाऱ्या एकाविरुद्ध अमळनेर पोलिसात गुन्हा दाखल !
अमळनेर (प्रतिनिधी) इंस्टाग्रामचे खातेधारकाने एका तरूणाने धार्मीक भावना दुखावणारा व्हिडीओ एडीट करून तो इन्स्टाग्रामवर अपलोड करून सोशल मीडियावर व्हायरल केल्याची धक्कादायक प्रकार बुधवारी दुपारी समोर आली आहे. याप्रकरणी अमळनेर पोलीस ठाण्यात गुन्हा दाखल करण्यात आला आहे.
अमळनेर शहरातील राहणाऱ्या एका तरूणाच्या मोबाईल मधील एका व्हाटसॲप गृपवर बुधवारी १४ ऑगस्ट रोजी दुपारी २ वाजता आक्षेपार्ह एक व्हिडीओ आला. हा व्हिडीओ अज्ञात व्यक्तीने त्यांच्या इन्स्टाग्राम खात्यावर अपलोड केला आहे. त्याने जुनी मिरवणूकीचा व्हिडीओ एडीट करून धार्मीक भावना दुखावणारा व्हिडीओ तयार करून तो इन्स्टाग्रामवर अपलोड केल्याचे समोर आले. ही बाबत भूषण माळी या तरूणाच्या लक्षात आल्यानंतर त्याने अमळनेर पोलीस ठाण्यात धाव घेवून तक्रार दिली. त्यानुसार रात्री ८ वाजता अज्ञात इन्स्टाग्राम खातेधारकावर पोलीसात गुन्हा दाखल करण्यात आला आहे. पुढील तपास पोलीस उपनिरीक्षक भगवान शिरसाठ हे करीत आहे.
