जळगाव (प्रतिनिधी) जळगाव स्थानिक गुन्हे शाखा आणि रावेर पोलीस यांच्या संयुक्त पथकाने छापेमारी करुन रावेर तालुक्यातील मोरगाव येथे जुगार अड्ड्यावर भल्या पहाटे मोठी कारवाई केली होती. त्यात जागा मालकासह १७ पेक्षा अधिक जणांना पोलिसांनी ताब्यात घेतले आहे. विशेष म्हणजे यातील एक जण एका राजकीय पक्षाचा कार्यकर्ता असल्याचे कळते. दरम्यान, गोपनीय माहितीवरून स्थानिक गुन्हे शाखेचे पो.नि. किसनराव नजनपाटील यांनी स्थानिक पोलिसांना सोबत घेत ही कारवाई केली.
यांच्याविरुद्ध झालाय गुन्हा दाखल !
संदिप दिनकरराव देशमुख (रा. पुर्णाड ता. मुक्ताईनगर – जुगार अड्ड्डा मालक), संजय दर्शन गुप्ता (रा. लालबाग बऱ्हाणपुर म.प्र.), शांताराम जिवराम मंगळकर (रा. लालबाग बऱ्हाणपुर म.प्र.), समाधान काशिनाथ कोळी (रा.सांगवा ता. रावेर), कासम महेबुब तडवी (रा. पिंप्री ता. रावेर), जितेंद्र सुभाष पाटील (रा. विवरा ता. रावेर), कैलास नारायण भोई (रा. भोईवाडा, रावेर), मनोज दत्तु पाटील (रा. पिंप्रीनादु ता. मुक्ताईनगर), मनोज अनाराम सोळंखे (रा. आलमगंज बऱ्हाणपूर म.प्र.), सुधिर गोपालदास तुलसानी (रा. इद्रनगर, बऱ्हाणपूर म.प्र.), रविंद्र काशिनाथ महाजन (रा. वाघोदा ता. रावेर) , बापु मका ठेलारी (रा. पुर्णाड ता. मुक्ताईनगर), राजु सुकदेव काळे (रा. प्रतापपुरा बु-हाणपूर म.प्र.), युवराज चिंधु ठाकरे (रा. महालक्ष्मी मंदिरा जवळ रावेर ), सोपान एकनाथ महाजन (रा. डापोरा अडगाव ता. ब-हाणपूर म.प्र.), छोटया (पूर्ण नाव माहित नाही.), प्रल्हाद पुंडलीक पाटील (रा. मोरगाव ता. रावेर (जागा मालक) व इतर दोन ते तीन इसम असे लोक 52 पत्त्याच्या कॅटवर झन्ना मन्ना मांग पत्ता जुगाराचा खेळ खेळतांना व खेळवतांना मिळून आले आहेत.
रोकडसह चारचाकी आणि दुचाकी जप्त !
पत्ता जुगाराची साधने, रोख रुपये 1 लाख 46 हजार 940 रुपये, 8 चार चाकी वाहने, 6 मोटार सायकलसह एकूण 55 लाख 46 हजार 940 रुपयांचा मुद्देमाल जप्त करण्यात आला आहे. याप्रकरणी रावेर पो.स्टे.ला गु.र.न. 75/23 महा. जुगार प्रति. का. क. 12 (अ) प्रमाणे गुन्हा दाखल करण्यात आला आहे. जुगार अड्डा मालक संदिप दिनकरराव देशमुख हा पूर्वी पुर्णाड ता. मुक्ताईनगर येथे जुगार अडडा चालवत असल्याचेही समोर आले आहे.
यांनी केली कारवाई !
पो.नि. किसनराव नजनपाटील यांच्या अधिपत्याखाली पोलिस उप निरीक्षक अमोल देवढे, सहायक फौजदार रवी पंढरीनाथ नरवाडे, सहायक फौजदार युनूस शेख इब्राहिम, पोहेकॉ कमलाकर भालचंद्र बागुल, महेश आत्माराम महाजन, पोना संतोष रामस्वामी मायकल, पोना किरण मोहन धनगर, पोना श्रीकृष्ण खंडेराव देशमुख, चापोहेकॉ भारत शांताराम पाटील, चापोना प्रमोद शिवाजी ठाकुर आदींनी या कारवाईत सहभाग घेतला. याशिवाय रावेर पोलिस स्टेशनचे पोलिस निरीक्षक कैलास नागरे यांच्या अधिपत्याखाली पोलिस उप निरीक्षक बाळासाहेब नवले, पोकॉ. समाधान कौतिक ठाकुर, पोकॉ. विशाल शिवाजी पाटील, पोकॉ. प्रमोद सुभाष पाटील, सचिन रघुनाथ घुगे आदींनी एलसीबी पथकाला सहकार्य केले.
