धरणगाव (प्रतिनिधी) शहरासह ग्रामीण भागात मेघगर्जनेसह पावसाने किरकोळ हजेरी लावली. यावेळी सोनवद रोडवरील एका शेतात वीज कोसळून नारळाचे झाड पेटले. सुदैवाने अनर्थ टळला आहे.
धरणगाव येथील राजेंद्र पाटील यांचे सोनवद रोडवरील मोठ्या पाटाजवळ शेत आहे. या शेतात काही नारळाची झाडे आहेत. यातील एका झाडावर किरकोळ पाऊस सुरु असताना आज (रविवार) सकाळी साडेआठ वाजेच्या सुमारास वीज पडली. त्यामुळे झाडाने भर पावसात पेट घेतला. तर आजू-बाजूच्या झाडांचे देखील नुकसान झाले आहे. सुदैवाने जवळपास कोणी नसल्यामुळे अनर्थ टळला.
