चाळीसगाव (प्रतिनिधी) शहरातील मालेगाव बायपास जवळ तब्बल ९२ लाख रूपयांचा गुटखा भरलेला कंटेनर चाळीसगाव पोलिसांनी शनिवारी सायंकाळी पकडला आहे.
शहरातून कंटेनरमध्ये गुटखा भरून जात असल्याची गुप्त माहिती चाळीसगाव शहर पोलिसांना मिळाली होती. या अनुषंगाने मालेगावरोड बायपासजवळ पोलिसांनी सापळा रचला. यानंतर संशयास्पद कंटेनर (क्र.एच.आर.वाय. ४३४०) याची तपासणी केली असता यात १५१ पोते गुटखा भरल्याचे आढळून आले. या गुटख्याचे अंदाजे तब्बल ९२ लाख रूपये इतके असल्याचे निष्पन्न झाले आहे. पोलिसांनी सदर ट्रक आणि गुटख्याचा साठा जप्त करण्यात आला आहे. ही कारवाई पोलिस निरीक्षक के.के. पाटील यांच्या मार्गदर्शनाखाली सहाय्यक निरीक्षक विशाल टकले, सागर ढिकले, विनोद भोई, राकेश पाटील, पवन पाटील यांच्या पथकाने केली.
