जळगाव (प्रतिनिधी) : कर्ज काढून देते असे सांगून बाजारात भेटेलेली महिला छाया कमलाकर वाणी (वय ५८, रा. वृंदावन सोसायटी पिंप्राळा) यांना फुले मार्केटमध्ये घेवून गेली. त्याठिकाणी हातचालाखी करीत वाणी यांच्या गळ्यातून ८ ग्रॅम वजनाची सोन्याची पोत काढून घेतली. ही घटना दि. २ मे 5 रोजी दुपारी ४ वाजेच्या सुमारास फुले मार्केट परिसरात घडली. याप्रकरणी शहर पोलीस ठाण्यात गुन्हा दाखल करण्यात आला आहे.
शहरातील पिंप्राळ्यातील वृंदावन सोसायटीमध्ये राहणाऱ्या छाया वाणी यांना दि. २ मे रोजी सकाळी १० वाजता मेहरुण येथील गंधमुक्तीच्या कार्यक्रमासाठी गेले होते. त्याठिकाणाहून दुपारी रिक्षाने रथ चौकातील नातेवाईकाकडे द्वारदर्शनासाठी गेल्या होत्या. त्यानंतर दुपारी ४ वाजता भाजीपाला घेण्याकरीता सुभाष चौकात गेले होते. याठिकाणी एक अनोळखी महिला त्यांना भेटली, तीने छाया वाणी यांना तुम्ही मला ओळखता का असे विचारले, त्यावर वाणी यांनी मी तुम्हाला ओळखत नाही. त्यावेळी महिलेने मी तुमचा घरच्याचे कर्ज मंजूर करुन दिले असून तुमचे पण कर्ज मंजूर करुन देते असे म्हणत वाणी यांना जबरदस्तीने फुले मार्केटमध्ये ऑफिस असल्याचे सांगून त्याठिकाणी घेवून गेले.
महिलेने छाया वाणी यांना फुले मार्केटमधील जिन्यावर घेवून गेली. त्याठिकाणी कर्ज प्रकरणासाठी फोटो काढायचा आहे, असे सांगून तुमच्या गळ्यातील पोत काढून द्या असे सांगितले. त्यानुसार वाणी यांनी गळ्यातील सोन्याचे पदक आणि मणी असलेली पोत काढून दिली.
शोध घेवूनही मिळून आली नाही महिला
पोत काढून दिल्यानंतर त्या संशयित महिलेने तुमचे कर्ज प्रकरण बनवून आणते तुम्ही येथेच पायऱ्यांवर बसून रहा असे सांगून गेली. परंतू बराच वेळ झाला तरी देखील ती महिला परत न आल्याने छाया वाणी यांनी आजूबाजूच्या परिसरात महिलेचा शोध घेतला. त्यानंतर घरी जावून घडलेली घटना मुलाला सांगितले. तसेच नातेवाईकांकडे देखील त्या महिलेबाबत विचारणा केली, परंतून कोणालाही काहीही माहित नसल्याने छाया वाणी यांनी दि. ८ मे रोजी शहर पोलिसात तक्रार दिली. त्यानुसार अज्ञात महिलेविरुद्ध गुन्हा दाखल करण्यात आला आहे.
