नवी दिल्ली (वृत्तसंस्था) दिल्लीच्या रोहिणी परिसरात मनाला हदरवून टाकणारी घटना घडली असल्याचं समोर आलं आहे. एकाच कुटुंबातील सगळ्यांचेच मृतदेह एकाच वेळी सापडले असल्याने संपुर्ण परिसरात खळबळ माजली आहे. या घटनेमध्ये कुटुंबातील मुख्य व्यक्ती त्यांची पत्नी आणि दोन मुलांचा मृत्यू झाला आहे.
दिल्लीतील रोहिणी परिसरात एकाच कुटुंबातील चौघांचे मृतदेह घरात आढळल्याने खळबळ उडाली आहे. गुरुवारी ही घटना उघडकीस आली. मिळालेल्या माहितीनुसार, एकाचा मृतदेह घरात लटकलेल्या अवस्थेत सापडला. तर त्याची पत्नी आणि दोन मुलांचे मृतदेह खोलीत बेडवर पडलेले होते. पतीने आधी आपल्या पत्नीची हत्या केली. त्यानंतर दोन्ही मुलांची हत्या करून स्वतःही गळफास घेऊन आत्महत्या केली, असा संशय व्यक्त केला जात आहे.
प्राथमिक चौकशीत मिळालेल्या माहितीनुसार, घराचा दरवाजा आतून बंद करण्यात आलेला होता. ही घटना उघडकीस आल्यानंतर पोलिसांना माहिती देण्यात आली. घटनास्थळी पोलीस पोहोचले. त्यांनी तपास सुरू केला. ही घटना उघडकीस आल्यानंतर परिसरात खळबळ माजली. धीरज यादव असे मृताचे नाव असून, त्याचा मृतदेह लटकलेल्या अवस्थेत आढळून आला. तो ३१ वर्षांचा होता. तो डीटीसीमध्ये बसचालक होता. तर आरती असे त्याच्या पत्नीचे नाव आहे. ती २८ वर्षांची होती. तर मुलगा हितेन सहा वर्षांचा आणि अथर्व हा अवघ्या तीन वर्षांचा होता.
दरम्यान, काही दिवसांपुर्वी एकाच कुटुंबातील ४ जणांनी आत्महत्या केल्याची धक्कादायक घटना समोर आली होती. परिवाराला मोठ्या प्रमाणात गरिबी आल्याकारणाने त्या कुटुंबानी आत्महत्या केली असल्याचं समोर आलं होत.
पोलिसांना घटनेची माहिती मिळाल्यानंतर पोलीस अधिकारी आणि कर्मचारी तिथे पोहोचले. त्यांनी घटनेची संपूर्ण माहिती घेतली. पंचनामा केल्यानंतर तपास सुरू केला. घटनेमागील कारणांचा पोलीस शोध घेत आहेत.
