धरणगाव (प्रतिनिधी) शेताच्या बांधला लागून असलेला रस्ता का कोरतोय, असे विचाराल्याच्या रागातून पिता-पुत्राला मारहाण केल्याप्रकरणी धरणगाव पोलिसात एकाविरुद्ध गुन्हा दाखल करण्यात आला आहे.
दि. २१ रोजी दुपारी १२ वाजेच्या सुमारास तालुक्यातील झुरखेडा येथून दुसखेडा गावाकडे जाणाऱ्या शेत रस्त्यावर धनराज चौधरी हे त्यांच्या चुलत भावाच्या शेतात रस्त्याला खेटून चारी खोदत होते. त्यावेळी रमेश पाटील यांनी त्यांना विचारले की, रस्ता का कोरताय?, याचाच राग आल्याने धनराज चौधरी यांनी रमेश पाटील यांना शिवीगाळ करायला सुरुवात केली. त्यानंतर धनराज चौधरीने रमेश पाटील यांच्या कपाळावर,डाव्या हातावर,उजव्या हातावर लोखंडी पावडयाने वार केले. त्यात ते जबर जखमी झाले. त्याचवेळी रमेश पाटील यांचा मुलगा किरणयाने वडिलांच्या बचावाकरिता धावून आला असता त्याला देखील धनराज चौधरी याने शिवीगाळ करत चापट बुक्याने मारहान केली. तसेच धमकी दिली की, माझ्या नांदी लागलात तर तुम्हा दोघांना सोडणार नाही.
याप्रकरणी दि.२२ जून रोजी धरणगाव पोलीस स्टेशनला धनराज चौधरी याच्याविरुध्द गुन्हा दाखल करण्यात आला असून पुढील तपास पुढील तपास पोलीस निरीक्षक उद्धव डमाळे यांच्या मार्गदर्शनाखाली पोलीस हवालदार नितीन पाटील हे करीत आहेत.
