पाळधी ता. धरणगाव (प्रतिनिधी) येथून जवळच असलेल्या हॉटेल कर्माजवळ भरधाव वेगात येणाऱ्या दुचाकीची दुसऱ्या दुचाकीला धडक दिल्याने एक जण जखमी झाला आहे. या प्रकरणी धरणगाव पोलिसात अज्ञात दुचाकी चालकाविरुद्ध गुन्हा दाखल करण्यात आला आहे.
या संदर्भात अधिक असे की, दि. ३० डिसेंबर २०२२ रोजी रात्री साडेदहा वाजेच्या सुमारास राहुल अंबादास ठाकूर (वय. ३५ रा. पाळधी बु. ता. धरणगाव) हे हॉटेल कर्माजवळून आपल्या दुचाकीने जात होते. त्याचवेळी अज्ञात मोटार सायकलस्वार (नाव गाव माहित नाही) याने रस्ताच्या परिस्थितीकडे दुर्लक्ष करुन भरदाव वेगात दुचाकी चालवून सुमारास राहुल ठाकूर यांच्या मोटार सायकल (क्र.एम.एच.१९ सि. एल. २८९०) ला मागील बाजूने धडक दिली. यात राहुल ठाकूर हे पडून जखमी झाले. तसेच त्यांच्या दुचाकीचेही मोठ्या प्रमाणात नुकसान झाले. या प्रकरणी धरणगाव पोलिसात अज्ञात दुचाकी चालकाविरुद्ध गुन्हा दाखल करण्यात आला आहे. पुढील तपास पोहेकॉ उमेश भालेराव हे करीत आहेत.
