भुसावळ (प्रतिनिधी) शहरातील रेल्वे नॉर्थ कॉलनीतील संघर्ष दुर्गा मंडळाचे कार्यकर्ते आरास तयार करत होते. यावेळी प्रतिक अनिल मिसाळ (वय २३) या तरुणाचा शॉक लागून मृत्यू झाला. ही दुर्देवी घटना बुधवार रात्री साडेनऊ वाजेच्या सुमारास घडली. याप्रकरणी शहर पोलिस ठाण्यात अकस्मात मृत्यूची नोंद झाली.
शहरातील द्वारका नगरातील रहिवासी प्रतिक मिसाळ हा तरुण रेल्वे नॉर्थ कॉलनीतील डॉ. बाबासाहेब आंबेडकर मराठी शाळेसमोरील संघर्ष दुर्गा मंडळात पदाधिकारी, कार्यकर्त्यांसोबत आरास तयार करत होता. यावेळी प्रतिकला शॉक लागल्याने तो गंभीर जखमी झाला. त्याला शहरातील खासगी हॉस्पिटलमध्ये दाखल करण्यात आले. याठिकाणी वैद्यकीय अधिकाऱ्यांनी तपासणी करत मयत घोषीत केले. यानंतर ट्रामा केअर सेंटरमध्ये शवविच्छेदन करण्यात आले. प्रतिकचे मामा रत्नाकर तायडे यांच्या खबरीवरून अकस्मात मृत्यूची नोंद करण्यात आली. उपनिरीक्षक विजय गायकवाड यांनी पंचनामा केला. तपास हवालदार संदीप पालवे हे करत आहेत.
