अमळनेर (प्रतिनिधी) अमळनेर जवळील मंगरूळ गावाजवळ असलेल्या एमआयडीसीत परिसरात एका तरुणाच्या डोक्यात दगड घालून खून झाल्याचे वृत्त समोर आले आहे. तुषार चौधरी असे मयत तरुणाचे नाव असून तो अमळनेर तालुक्यातील मारवड येथील असल्याची प्राथमिक माहिती मिळाली आहे.
तुषार चौधरी हा दि. ५ रोजी रात्री बाहेर गेलेला होता. तो रात्री उशिरापर्यंत घरी परत आला नव्हता. परंतु आज सकाळी मंगरूळ येथील एमआयडीसीमध्ये तो मयत अवस्थेत आढळून आला. त्याच्या डोक्यावर मार लागलेल्याचे खुणा होत्या. तसेच आजूबाजूला दारूच्या बाटल्या पडलेल्या दिसून आल्या. पोलीस पाटील भागवत पाटील यांनी पोलिसांना कळवताच पोलीस निरीक्षक विकास देवरे यांनी आपल्या पथकासह घटनास्थळी भेट दिली. तसेच जळगाव स्थानिक गुन्हे शाखेचे पथक घटनास्थळी दाखल झालें आहे.
याप्रकरणी मयताच्या काकांच्या फिर्यादीवरून अज्ञात व्यक्तीविरुद्ध खुनाचा गुन्हा दाखल करण्यात आला असून पुढील तपास अमळनेर पोलीस करीत आह. दरम्यान खुनाचे नेमके कारण अद्याप कळून आलेले नाही.
