भुसावळ (प्रतिनिधी) शहरातील जामनेर रोडवरील पांडूरंग टॉकीजजवळील आनंद लॉजमध्ये भुसावळ पोलीसांनी छापा टाकला. यामुळे शहरात एकच खळबळ उडाली असून यात पाच महिलांसह आंबटशौकीन ग्राहकांना पोलीसांनी अटक केली आहे.
शहरातील पांडूरंग टॉकीजजवळील आनंद लॉज येथे वेश्या व्यवसाय सुरू असल्याची गोपनीय माहिती पोलीस उपअधीक्षक सोमनाथ वाघचौरे यांना मिळाली. त्यानुसार सोमवारी २१ मार्च रोजी सकाळी दुपारी भुसावळ पोलीसाच्या पथकाने अचानक छापा टाकला. सुरूवातीला पोलीसांना पाहून ग्राहकांची चांगलीच धांदल उडाली. यात वेश्या व्यवसाय करणाऱ्या पाच महिला आणि पाच आंबटशौकीनांना ताब्यात घेतल्याने एकच खळबळ उडाली आहे. दरम्यान, बेकायदेशीर व अनैतीक व्यवसाय सुरू ठेवल्याप्रकरणी हॉटेल मॅनेजरसह मालकाला ताब्यात घेतले आहे. दरम्यान, पोलिस प्रशासनाने भुसावळ शहरातील सर्वच हॉटेल्सह लॉजेसची कसून तपासणी करावी, अशी मागणी शहरातील सुज्ञ नागरीकांकडून केली जात आहे.
