जळगाव (प्रतिनिधी) लग्नसमारंभातून घरी जात असलेल्या गरोदर विवाहितेची छेडखानी करून शिवीगाळ केल्याची धक्कादायक घटना समोर आली आहे. याप्रकरणी एमआयडीसी पोलीस ठाण्यात तरुणाविरुद्ध गुन्हा दाखल करण्यात आला आहे.
यासंदर्भात अधिक असे की, शहरातील एका खासगी दुकानावर काम करणारी विवाहीता रामेश्वर कॉलनी भागातील एक लग्न समारंभ आटोपून घरी पायी जात होती. दरम्यान तिच्या पतीचा परिचीत असलेला एक तरुण तिच्याजवळ आला. त्याने तिच्या नाजुक अंगाला स्पर्श केला. या कृत्यानंतर त्याने तिला ढकलून देत अतिशय हीन दर्जाची शिवीगाळ केली. या कृत्यानंतर रस्त्यावर गर्दी जमल्यानंतर तो तेथून निघून गेला. या घटनेप्रकरणी एमआयडीसी पोलिस स्टेशनला रितसर गुन्हा दाखल करण्यात आला असून पुढील तपास सुरु आहे.
