जळगाव (प्रतिनिधी) जळगाव जिल्ह्यातील विविध पोलीस स्टेशन हद्दीत जबरी चोरी, घरफोडीसारखे सुमारे २६ गुन्हे केलेल्या आरोपीला आज स्थानिक गुन्हे शाखेच्या पथकाने जेरबंद केले आहे.
जळगाव जिल्यातील विवीध पोलीस स्टेशन हद्दीत जबरी चोरी, घरफोडीसारखे सुमारे २६ गुन्हे केलेला आरोपी भुषण उर्फ जिगर रमेश बोंडारे (रा. उमाळा ता. जि. जळगाव) हा एमआयडीसी पोलीस स्टेशनला दि. १० सप्टेंबर २०२० रोजी गुन्हा केल्यापासून फरार होता. त्याचेवर जळगाव जिल्हयातील एमआयडीसी पोलीस स्टेशन, रामानंदनगर पोलीस स्टेशन, शनिपेठ पोलीस स्टेशन, अडावद पोलीस स्टेशन, जिल्हापेठ पोलीस स्टेशन, एरंडोल पोलीस स्टेशन, धरणगाव पोलीस स्टेशन, जामनेर पोलीस स्टेशन इत्यादी ठिकाणी एकुण २६ गुन्हे दाखल आहेत.
याबाबत अधिक माहिती अशी की, सदर आरोपीताचे शोध कामी पोलीस अधीक्षक डॉ. प्रविण मुंढे, अपर पोलीस अधीक्षक चंद्रकांत गवळी यांनी स्थानिक गुन्हे शाखेस सुचना व मार्गदर्शन केले होते. त्याअनुषंगाने पोलीस निरीक्षक किरणकुमार बकाले यांनी स्थानिक गुन्हे शाखेकडील पोहेकॉ. जयंत चौधरी, प्रदीप पाटील, पोना. विजय शामराव पाटील, पंकज शिंदे, अविनाश देवरे, दिपक शिंदे अशाचे पथक तयार केले होते.
पोलीस निरीक्षक किरणकुमार बकाले यांना मिळालेल्या माहिती नुसार, भुषण उर्फ जिगर रमेश बोंडारे हा सध्या औरंगाबाद शहरात उस्मानपुरा भागात रहात आहे. त्याअनुषंगाने वरील पथक हे औरंगाबाद येथे जावुन उस्मानपुरा भागात सापळा लावला असता भुषण उर्फ जिगर रमेश बोंडारे हा मिळुन आला. त्यास ताब्यात घेतले असता त्यांने सांगीतले की, सहा महीण्यापुर्वी त्याचे गावातील अजय सुदाम भिल रा. उमाळा नशिराबाद फाटयाजवळ, तसेच औरंगाबाद येथील मित्र बंटी उर्फ प्रथमेश पाटील, पवन विश्वनाथ अग्रवाल दोन्ही (रा. बायपास औरंगाबाद) व मनोज भांवडे (रा. वाळुज ता.जि. औरंगाबाद) अशानी एका कार चालकास हात देवुन त्याचे कारमध्ये वसुन उमाळ्याकडे येत असतांना त्यांनी कार चालकास पिस्तोल लावुन डोळयात मिरचीची पावडर फेकुन त्याचे जवळील रोख रुपये व मोबाईल हिसकावुन कार चालकास कारमध्ये सोडुन पळुन गेले होते. सदर गुन्हयाबाबत पेपरमध्ये फोटो आल्याने सर्व आरोपी पळुन गेले होते. भुषण उर्फ जिगर रमेश बोंडारे यास अधिक चौकशी केली असता त्याने दोन घरफोडीचे गुन्हे केले असल्याचे कबुली दिली आहे. पुढील अधिक तपास कामी आरोपीस एमआयडीसी पोलीस स्टेशनच्या ताब्यात देण्यात आले आहे.
आरोपींने गुन्हयाची कबुली दिली व गुन्हयातील मुद्देमाल हरीचंद्र दत्तात्रय इखणकर (वय २५ रा. हनुमान मंदीराजवळ, सराफ गल्ली, भुसावळ) यास विकले असले बाबत सांगीतल्याने तौफिक हुसेन जाफर हुसेन (वय १८ रा. खानका मदरसा जवळ, भुसावळ) हरीचंद्र दत्तात्रय इखणकर (वय – २५ रा. हनुमान मंदीराजवळ, सराफ गल्ली, भुसावळ) (सोनार) यास मुद्देमालासह व गुन्हयात वापरलेली मोटार सायकलसह ताब्यात घेण्यात आलेले आहे.
