फैजपूर (प्रतिनिधी) मधुकर सहकारी साखर कारखाना साईडवर कामगार व सभासद यांची बैठक जेष्ठ सभासद गोवर्धन तापीराम बोरोले यांच्या अध्यक्षतेखाली नुकतीच संपन्न झाली. या बैठकीत सहा ठराव सर्वांनी एक मताने मंजूर केले.
यावेळी व्यास पिठावर गोवर्धन बोरोले, माजी कामगार अध्यक्ष गिरीष कोळंबे, विजय प्रेमचंद पाटील, अध्यक्ष किरण चौधरी, एकनाथ लोखंडे, सुनिल कोलते, सुरेश कोळंबे, कमलाकर भंगाळे, दामोदर कोळंबे, हरी इंगळे, वसंत पाटील यांच्यासोबत कामगार व सभासद मंडळी होती. यावेळी विजय पाटील, कामगार अध्यक्ष किरण चौधरी, एकनाथ लोखंडे, सुरेश कोळंबे यांनी मनोगत व्यक्त केले. या बैठकीत सहा ठराव सर्वांनी एक मताने मंजूर केले. त्यानुसार 1)कारखाना विक्रि न करीता भाडे तत्वाने द्यावा, 2) ऊस उत्पादक शेतकऱ्यांना 1600 रुपये टनाप्रमाणे पैसा द्यावा, 3)कामगारांची 50 कोटी बिगर व्याजी रक्कम कामगारांना द्यावी, 4) ऊस तोडणी व वाहतुकदार याची 10 कोटि रक्कम मिळावी, 5) सभासदांची ठेव म्हणुन ठेवलेली रक्कम मिळावी, 6) संचालक मंडळ बरखास्त झाले असून प्रशासक म्हणुन नियुक्ती झालेली आहे. तरी कारखाना वाचवण्यासाठी ऊस उत्पादक व कामगार मिळून एक कृती समिती स्थापन करावी व कारखाना वाचविण्यासाठी लढा चालू ठेवावा, या ठरावांचा समावेश आहे.
