जळगाव (प्रतिनिधी) घराचा वीज पुरवठा खंडीत केल्याच्या कारणावरून एका ५५ वर्षीय व्यक्तीला तीन जणांनी बेदम मारहाण करून जीवे ठार मारण्याची धमकी दिली. हि घटना हरीविठ्ठल नगरातील मराठी शाळेजवळ घडली असून याप्रकरणी आज तीन जणांवर रामानंदनगर पोलीस स्थानकात गुन्हा दाखल करण्यात आला.
सविस्तर माहिती अशी की, शिवाजी दयाराम पाटील (वय-५५) रा. मराठी शाळेजवळ, हरीविठ्ठल नगर हे आपल्या परिवारासह राहतात. १६ मे रोजी रात्री ७.३० वाजेच्या सुमारास शिवाजी पाटील यांच्या घराचा वीज पुरवठा खंडीत झाल्याबाबत गल्लीतील अजय दिलीप कोळी याला रागवले. याचा राग आल्याने अजय कोळी, सोनू दिलीप कोळी आणि दिलीप कोळी रा. हरीविठ्ठल नगर यांनी शिवाजी पाटील यांना शिवीगाळ केली तर लोखंडी फावड्याच्या दांड्याने बेदम मारहाण केली. यात शिवाजी पाटील गंभीर जखमी झाले. त्यांना तातडीन खासगी रूग्णालयात उपचारार्थ दाखल केले. चौकशीअंती आज मंगळवारी सकाळी शिवाजी पाटील यांच्या फिर्यादीवरून रामानंदनगर पोलीस स्थानकात तीन जणांवर गुन्हा दाखल करण्यात आला आहे. याप्रकणी पुढील तपास पोना सुनिल पाटील करीत आहे.
