नवी दिल्ली (वृत्तसंस्था) राजस्थानच्या अपघात बारमेरच्या भीमडा गावात मिग-21 विमान कोसळले आहे. हवाई दलाच्या मिग-21 मध्ये दोन पायलट होते. या दोघांचाही अपघातात दुर्दैवी मृत्यू झाला आहे. हा अपघात इतका भीषण होता की, मिग विमानाचा ढिगारा अर्धा किलोमीटर दूर पसरला होता. अपघाताचे कारण अद्याप समजू शकलेले नाहीय.
राजस्थानमधील बडमेर जिल्ह्यात भारतीय हवाई दलाचे लढाऊ विमान कोसळल्याची धक्कादायक घटना घडली आहे. गुरुवारी (२८ जुलै) रात्री ९ च्या सुमारास ही घटना घडली. एएनआय या वृत्तसंस्थेने दिलेल्या माहितीनुसार हा अपघात एवढा भीषण होता की कोसळल्यानंतर विमानाने जागेवरच पेट घेतला. अपघातानंतर विमानाचे भाग अक्षरश: विखुरले आहेत. या घटनेची माहिती होताच येथील जिल्हाधिकारी, पोलीस अधीक्षक आणि हवाई दलाचे अधिकारी घटनास्थळी रवाना झाले आहेत. या अपघाताबाबत संरक्षण मंत्री राजनाथ सिंह यांनी भारतीय हवाई दलाचे प्रमुख एअर चीफ मार्शल विवेक राम चौधरी यांच्याशी चर्चा केली आहे. हवाई दल प्रमुखांनी त्यांना या घटनेची सविस्तर माहिती दिली आहे.
