नवी दिल्ली (वृत्तसंस्था) अलिबाबा या उद्योग समुहाचे प्रमुख असलेले उद्योगपती जॅक मा हे गेल्या दोन ते तीन महिन्यांपासून बेपत्ता होते. मात्र, आता ते एका व्हिडिओच्या माध्यमातून अचानक जगासमोर आले आहेत. बुधवारी जॅक मा यांनी ग्रामीण भागातील १०० शिक्षसांसोबत व्हिडिओ कॉन्फरन्सिंगद्वारे संवाद साधला.
जॅक मा यांनी व्हिडिओ कॉन्फरन्सिंगद्वारे देशातील १०० ग्रामीण भागातील शिक्षकांशी संवाद साधला. चीनचे अधिकृत माध्यम ग्लोबल टाईम्सनेही याबाबत एक व्हिडिओ शेअर केला आहे. यात जॅक मा संमेलनाला संबोधित करताना दिसत आहेत. जॅक मा सहसा सान्या, हैनान येथील शिक्षकांशी दरवर्षी संवाद साधतात, परंतु कोरोना साथीच्या रोगामुळे या वर्षी व्हिडिओ कॉन्फरन्सद्वारे ही बैठक झाली. जॅक मा यांनी या क्रार्यक्रमाच्या माध्यमातून ग्रामीण शिक्षक पुरस्कार जिंकलेल्या शिक्षकांना संबोधित केले. हा कार्यक्रम गेल्यावर्षी सान्या शहरात होणआर होता मात्र, कोरोनामुळे हा कार्यक्रम पुढे ढकलला गेला. वृत्तानुसार जॅक मा यांनी गेल्या वर्षी ऑक्टोबर महिन्यात एका मुद्दय़ावरून चिनी सरकारवर टीका केली होती आणि एका भाषणात चीनचे नियामक आणि सरकारी मालकीच्या बँकांवर त्यांचा ‘मागासलेपणा’ असल्याची टीका केली होती. यानंतर, चीन सरकारने त्यांच्या व्यवसाय साम्राज्यावर आक्रमक भूमिका घेतली. ते रहस्यमयपणे लोकांच्या नजरेतून गायब झाले. रियालिटी टीव्ही शो आफ्रिका बिझिनेस हिरोजच्या हंगामाच्या समाप्तीच्या वेळी मा स्टार जज म्हणून दिसणार होते. हा रिअॅलिटी टीव्ही शो त्यांच्या कंपनीचा आहे. ते कार्यक्रमातून बाहेर पडले आणि त्याचे प्रसारण स्थगित करण्यात आले.
ऑक्टोबर महिन्याच्या शेवटी शांघाई येथे जॅक मा यांनी एक भाषण केलं होतं. या भाषणात त्यांनी बँकिंग नियामक आणि त्यांच्या धोरणांवर टीका केली होती. असे म्हटले जाते की, यानंतर प्रख्यात उद्योजक जॅक मा हे चीनच्या कम्यूनिस्ट सरकारच्या निशाण्यावर होते. यानंतर चीनच्या सरकारने अलिबाबाची आर्थिक कंपनी एंट ग्रुपच्या ३७ अरब डॉलर्सच्या आयपीओवर बंदी घातली होती. बुधवारी व्हिडिओच्या माध्यमातून जॅक मा सर्वांसमोर आले.
