अमळनेर (प्रतिनिधी) तालुक्यातील खौशी गावात एकाचे बंद घर फोडून सोन्याचे व चांदीचे दागिने असा एकूण ४७ हजार ५०० रुपये किमतीचा ऐवज चोरून येण्याची घटना १३ सप्टेंबर रोजी मध्यरात्री २ वाजता समोर आले आहे. याप्रकरणी अमळनेर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, जिजाबराव उत्तम शिरसाट (वय 55 रा. खौशी ता. अमळनेर) हे आपल्या परिवारासह वास्तव्याला आहे. 12 सप्टेंबर ते 13 सप्टेंबर दरम्यान त्यांचे घर बंद असताना त्यांचे बंद घराचा दरवाजाचे कडी कोंयडा तोडून आत प्रवेश करत घरातून सोन्याचे व चांदीचे दागिने असा एकूण ४७ हजार ५०० रुपये किमतीचा ऐवज चोरून नेला. ही घटना समोर आल्यानंतर जिजाबराव शिरसाठ यांनी अमळनेर पोलीस ठाण्यात जाऊन तक्रार दिली. त्यानुसार अज्ञात चोरट्यांवर गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल विजय भोई करीत आहे.
