चोपडा (प्रतिनिधी) शहरातील डॉ. बाबासाहेब आंबेडकर चौकातील दि जळगाव पिपल्स को. ऑप. बँकचे ATM फोडून पैसे लांबविण्याचा प्रयत्न फसल्याची घटना उघडकीस आली आहे. या प्रकरणी अज्ञात चोरट्याविरुद्ध शहर पोलिसात गुन्हा दाखल करण्यात आला आहे.
या संदर्भात अधिक असे की, दि. ३ एप्रिल रोजी पहाटे ५ वाजेच्या सुमारास अज्ञात चोरट्याने शहरातील डॉ. बाबासाहेब आंबेडकर चौकातील दि जळगाव पिपल्स को. ऑप. बँकच्या ATM सेंटरमध्ये प्रवेश केला. त्यानंतर ATM मशिन मधील पैसे चोरी करण्यासाठी अज्ञात चोरट्याने ATM मशिन हे कशाचे तरी सहयाने फोडले. परंतू ATM फोडल्यानंतरही पैसे मात्र, निघू शकले नाहीत. दरम्यान, या प्रकरणी बँकेचे कर्मचारी सुनील सुभाष महाजन (रा. जळगाव) यांच्या फिर्यादीवरून अज्ञात चोरट्याविरुद्ध गुन्हा दाखल करण्यात आला असून पुढील तपास सहा. पोलीस निरीक्षक अजित सावळे हे करीत आहेत.
