जळगाव (प्रतिनिधी) घरात घुसून २० वर्षीय तरुणीला मारण्याची धमकी देत तिचा विनयभंग करण्यात आला. तसेच विनयभंग करणाऱ्याने या तरुणीला व तिच्या आजीला मारहाण देखील केली. ही घटना रविवारी दि.१५ जून रोजी घडली.
या प्रकरणी नजीर (पूर्ण नाव समजू शकले नाही) तरुणाविरुद्ध एमआयडीसी पोलिस ठाण्यात गुन्हा दाखल करण्यात आला आहे. एमआयडीसी पोलिस ठाण्याच्या हद्दीतील एका परिसरात राहणाऱ्या २० वर्षीय तरुणीच्या घरात नजीर नामक तरुण घुसला. त्या वेळी त्याने या तरुणीला मारण्याची धमकी देत तिचा विनयभंग केला. त्याला विरोध केला असता त्याने तरुणी व तिच्या आजीला मारहाण केली. या प्रकरणी तरुणीने एमआयडीसी पोलिस ठाण्यात फिर्याद दिली. त्यावरून नजीरविरुद्ध गुन्हा दाखल करण्यात आला आहे. पुढील तपास सपोनि माधुरी बोरसे करीत आहेत
