मुक्ताईनगर (प्रतिनिधी) विमा कंपनीचे प्रतिनिधी लाचेची मागणी करीत असल्याची तक्रार काही शेतकर्यांनी आ. चंद्रकांत पाटील यांच्याकडे केली होती. या अनुषंगाने चंद्रकांत पाटील यांनी स्टिंग ऑपरेशन करून शेतकर्यांकडून लाच स्वीकारतांना विमा कंपनीच्या प्रतिनिधींना आज रंगेहात पकडले.
याबाबत अधिक माहिती अशी की, विमा कंपनीचे प्रतिनिधी लाचेची मागणी करीत असल्याची तक्रार काही शेतकर्यांनी आ. चंद्रकांत पाटील यांच्याकडे केली होती. या अनुषंगाने आज काही जण शेतकर्यांकडून पैसे जमा करत असल्याची माहिती आमदारांना मिळाली होती. त्यांनी संबंधीतांना रंगेहात पकडण्यासाठी आ. चंद्रकांत पाटील यांनी वेशांतर करून विमा प्रतिनिधी पैसे घेत असल्याच्या ठिकाणी स्टींग ऑपरेशन केले. यानंतर ते स्वत: घटनास्थळी पोहचले. याप्रसंगी त्यांच्या सोबत तहसिलदार श्वेता संचेती, कृषी अधिकारी अभिनव माळी यांच्यासह बजाज अलियान्ज विमा कंपनीचे जळगाव येथील अधिकारी असे पथक होते. या बैठकीत आमदारांसह पथकाने विमा कंपनीच्या दोन प्रतिनिधींना लाच स्वीकारताच दोघांना रंगेहाथ पकडले. याप्रकरणी गुन्हा दाखल करण्याची प्रक्रिया सुरू आहे.
