भडगाव (प्रतिनिधी) ओट्यावर झोपलेल्या मूकबधीर ६५ वर्षीय वृद्ध महिलेवर राहुल भीमराव सावकारे (वय २७) याने अमानुष आत्याचार केला. ही धक्कादायक घटना दि. १५ रोजी पहाटेच्या सुमारास उघडकीस आली. पोलिसांनी तपासचक्रे फिरवित अवघ्या दोन तासात संशयीताच्या मुसक्या आवळल्या. पीडीत वृद्ध महिलेला न्याय मिळण्यासाठी ग्रामस्थत्तंनी पोलीस ठाण्यासमोर ठिय्या आंदोलन केले. त्यानंतर पोलीस निरीक्षक पांडूरंग पवार यांना निवेदन दिले.
भडगाव तालुक्यातील एका गावात ६५ वर्षीय मूक बधीर वृद्ध महिला वास्तव्यास आहे. दि. १५ नोव्हेंबर रोजी मध्यरात्री १ वाजे सुमरास वृद्धा ही अंगणात झोपली असतांना गावातील २७ वर्षीय तरूणाने त्या महिलेवर अत्याचार केला आहे. या वेळी महिलेने आरडाओरड केली. तेव्हा नातेवाईक जागे झाले, हे पाहून आरोपी घटना स्थळावरून पसार झाला होता. पोलीस पथकाने आरोपीला एका तासाच्या आत अटक केली. याप्रकरणी राहुल सावकारे या तरुणाविरुध्द भडगाव पोलीस स्टेशनला गुन्हा दाखल करण्यात आला आहे. या घटनेमुळे गावातील ग्रामस्थांनी पोलीस ठाण्याबाहेर ठिय्या आंदोलन केले.
ग्रामस्थांनी संशयिताला आमच्या स्वाधीन करा, अन्यथा फाशीची शिक्षा द्या अशी मागणी ग्रामस्थांनी धरुन लावलेली होती. पोलीस निरीक्षकांनी ग्रामस्थांना संशयिताला कठोर शिक्षा कशी होईल, असे पुरावे गोळा करण्याचे काम चालू आहे. तसेच आंदोलन मागे घेण्याचे आवाहन देखील पोलिसांनी यावेळी केले. दरम्यान, वृद्धा महिलेला मूलबाळ नसल्याने त्या गेल्या ५० वर्षांपासून भावांकडे राहत आहे. नराधमाने वृद्ध महिलेवर अत्याचार केल्याने वृद्ध महिलेची प्रकृती चिंताजनक असून महिलेवर उपचार सुरु आहे.
