राजस्थान (वृत्तसंस्था) भरतपूरमध्ये १३ वर्षीय अल्पवयीन मुलीसोबत (Bharatpur Minor gang rape) १६ जणांनी सामूहिक बलात्कार केल्याची घटना समोर आली आहे. ही मुलगी जंगलात शेळ्या चारण्यासाठी गेली असता हा प्रकार घडला.
पीडित मुलीनं नातेवाईकांना सांगितलं की, एकानं तिचा चेहरा दाबला आणि दुसऱ्यानं तिला चाकूचा धाक दाखवून तिचं अपहरण केलं. यानंतर आणखी काही लोकही आले आणि त्यांनी निष्पाप मुलीवर बलात्कार केला. यानंतर कुटुंबीयांनी या प्रकरणाची पोलिसात तक्रार केल्यानंतर मुलीचं मेडिकल करण्यात आलं आहे. ही घटना भरतपूरच्या खोह पोलीस स्टेशन परिसरातील आहे. मिळालेल्या माहितीनुसार, ही अल्पवयीन मुलगी ११ फेब्रुवारी रोजी जंगलात शेळ्यांना चारण्यासाठी घेऊन गेली होती. मुलगी घरी न परतल्याने वडिलांनी आजूबाजूला शोधाशोध सुरु केली. १२ फेब्रुवारी रोजी वडिलांनी बेपत्ता मुलीची नोंद करण्यासाठी त्यांनी खोह पोलीस स्टेशन गाठलं. या वेळी मुलगी घरी परतल्याचं आढळून आलं. मुलीने घरी परत आल्यानंतर आपल्या कुटुंबीयांना घडलेली सर्व घटना सांगितली. यानंतर वडिलांनी १३ फेब्रुवारीला गँगरेपची तक्रार दाखल केली.
