जळगाव (प्रतिनिधी) शहरातील एका ठिकाणी राहणाऱ्या २८ वर्षीय तरुणीचा विनयभंग झाल्याची घटना घडली आहे. याप्रकरणी २३ वर्षीय तरुणाला पोलिसांनी अटक केली असून रामानंदनगर पोलीस ठाण्यात अजय विनोद नाडे (वय २३, रा. हरिविठ्ठल नगर, तडवी गल्ली मागे, जळगाव) याच्याविरुद्ध गुन्हा केला आहे.
यासंदर्भात अधिक असे की, दि. १९ एप्रिल २०२२ रोजी अजय विनोद नाडे (वय २३, रा. हरिविठ्ठल नगर, तडवी गल्ली मागे, जळगाव) याने २८ वर्षीय तरुणी घरी जात असताना खदानावरील रस्त्यावर अजय हा पीडित तरुणीकडे तोंड करुन अश्लिल हावभाव करीत माझ्या जवळ ये तुझ्याशी मला शारिरीक संबंध करायचे आहेत, असे अश्लिल चाळे करत म्हटला. त्यानंतर पीडित तरुणीचे दोघे हात पकडले. त्यावेळी पीडित तरुणीने तिथून कशी तरी आपली सुटका करून घेतली. याप्रकरणी रामानंदनगर पोलीस ठाण्यात अजय विनोद नाडे (वय २३, रा. हरिविठ्ठल नगर, तडवी गल्ली मागे, जळगाव) याच्याविरुद्ध गुन्हा दाखल करण्यात आला असून आरोपीला पोलिसांनी अटक केली आहे. तसेच पुढील तपास सपोनि रोहीदास गभाले हे करीत आहेत.
