धरणगाव (प्रतिनिधी) तालुक्यातील अनोरे येथील बळीराम जीवन महाजन विद्यालयात १४ सप्टेंबर रोजी हिंदी दिवस उत्साहाच्या वातावरणात साजरा करण्यात आला.
सर्वप्रथम अध्यक्ष व प्रमुख मान्यवरांचा गुलाब पुष्प देऊन स्वागत करण्यात आले. यावेळी इयत्ता आठवी ते दहावीच्या विद्यार्थ्यांनी कविता, हिंदी दिवसाचे महत्व, हिंदी गाणी साजरे केलेत.
या कार्यक्रमाचे अध्यक्ष शाळेचे मुख्याध्यापक एम एच चौधरी सर होते. यावेळी त्यांनी हिंदी दिवसा निमित्त विविध उपक्रम सादर केलेल्या विद्यार्थ्यांचे कौतुक करून हिंदी दिवसाच्या शुभेच्छा दिल्या. हिंदी दिवस का साजरा केला जातो या पार्श्वभूमीवर हिंदी विषयाचे प्रमुख आर बी महाले यांनी मार्गदर्शन केले.
यावेळी ज्येष्ठ शिक्षक ए के पाटील बी आर महाजन कल्पेश वारुळे आदी उपस्थित होते कार्यक्रमाचे सूत्रसंचालन प्रांजल समाधान पाटील हिने केले तर आभार प्रदर्शन साक्षी शरद पाटील हिने मानले.
