जळगाव (प्रतिनिधी) कोरोनाच्या उपचारामध्ये परिणामकारक ठरणार्‍या रेमडेसिवीर इंजेक्शनची सर्वांना उपलब्धता व्हावी म्हणून जिल्हाधिकारी अभिजीत राऊत यांनी नियंत्रण कक्षाची स्थापना केली आहे. तसेच कुणीही चोवीस तास कॉल करून रेमडेसिवीर इंजेक्शनाच्या उपलब्धतेबाबत माहिती मिळवू शकतात.
जळगाव जिल्ह्यात सध्या रेमडेसिवीर इंजेक्शनचा तुटवडा भासत आहे. याअनुषंगाने जिल्ह्यातील सर्व नागरिकांना आवश्यक असेल त्यावेळेस रेमडेसिवीर इंजेक्शन मिळावे यासाठी उपाययोजना करण्यात आल्या आहेत. पालकमंत्री ना. गुलाबराव पाटील यांनी आधीच याबाबत योजना आखला असून आता जिल्हा प्रशासनाच्या माध्यमातून याची अंमलबजावणी करण्यात येत आहे.
जिल्हाधिकारी अभिजीत राऊत यांनी आज एका नोटिफिकेशनच्या माध्यमातून रेमडेसिवीर इंजेक्शनच्या उपलब्धतेसाठी नियंत्रण कक्षाची स्थापना केली आहे. यात सनियंत्रण अधिकारी म्हणून जिल्हा पुरवठा अधिकारी सुनील सूर्यवंशी यांची नियुक्ती करण्यात आली असून त्यांना सहायक जिल्हा पुरवठा अधिकारी प्रशांत कुलकर्णी हे मदत करणार आहेत.
यासोबत रेमडेसिवीर (Remdesivir) औषधीची साठेबाजी रोखणे तसेच योग्यप्रकारे नियोजन करण्यासाठी औषध निरिक्षक अनिलकुमार माणिकराव यांच्या मार्गदर्शनाखाली नियंत्रण कक्ष कार्यान्वित करण्यात आला आहे. जळगाव यांच्या कार्यालयात १२ एप्रिल २०२१ पासून नियंत्रण कक्ष दुरध्वनी क्र. ०२५७-२२१७४७६ व ईमेल covid19remd@gmail.com या ईमेल आयडीवरही ही माहिती मिळणार आहे.
दरम्यान, कुणीही सकाळी ७ ते दुपारी तीन वाजेपर्यंत रामा एम. भरकड, अन्न सुरक्षा अन्न प्रशासन- ८१४९३४७२७३; प्रविण भगाजी थोंडकर, वरिष्ठ लिपीक-९०११९९७८४७;सी.डी.पालीवाल-८३२९५८४९२२ आणि मकरंद झाल्टे, लिपीक-८३२९५८४९२२ यांना आपण कॉल करू शकतात. दुपारी तीन ते रात्री अकरापर्यंत किशोर आत्माराम साळुंखे-७९७७७२७७८० व ८१४९२७१७२७; मिलींद एकनाथ साळी-९३२६२१८५८/८२७५४९५४३३ यांच्याशी आपल्याला संपर्क साधता येईल. तर, रात्री अकरा ते सकाळी सात या कालावधीत आपण संजय भिका सोनवणे-९४५२५६३६३७ आणि मनोहर गुलाब ठाकूर-८२६५०५६८३७ यांच्याशी आपण संपर्क साधू शकतात.
