जळगाव (प्रतिनिधी) महाराष्ट्र नवनिर्माण सेनेचे अध्यक्ष राज ठाकरे यांच्या आदेशानुसार जळगाव जिल्हा निरीक्षकपदी पक्षाचे उपाध्यक्ष विनय भोईटे (मुंबई) यांची नियुक्ती करण्यात आली आहे.
विनय भोईटे या पूर्वीही जळगाव जिल्हा संपर्क अध्यक्ष म्हणून कार्यरत होते. लवकरच जळगाव जिल्हा दौऱ्यावर येणार असून पक्ष संघटन, पक्ष बांधणी, याबाबत लक्ष केंद्रित करून पक्षाला गतवैभव प्राप्त करून देण्याचा मानस त्यांनी ‘क्लिअर न्युज’शी बोलतांना व्यक्त केला.
जळगाव जिल्ह्यासह धुळे, नंदूरबार,बुलढाणा, अकोला, वाशिम, जिल्ह्यांच्या निरीक्षकपदाची जबाबदारी त्यांच्या कडे सोपविण्यात आली आहे. पक्षाचे किर्तीकुमार शिंदे व आदित्य चोपडे हे पदाधिकारी त्यांना मदत करणार आहेत. जळगाव जिल्हा मनसेतर्फे त्यांचे अभिनंदन करण्यात आले आहे.
