फैजपूर (प्रतिनिधी) खोटे प्रोसेडींग तयार करणे व डीएडची अॅडमीशन करतांना विदयार्थ्यांकडून मनमानी पैसे घेत कोणतेही रेकॉर्ड न ठेवता त्याची अफरातफर केल्याप्रकरणी संचालकांसह प्राचार्यविरुद्ध न्यायालयाच्या आदेशावरून गुन्हा दाखल करण्यात आला आहे. याबाबत सैयद सलामत अली रजा अली(वय ५६, रा. मारूळ ता.यावल) यांनी फिर्याद दिली आहे.
सैयद सलामत अली रजा अली यांनी दिलेल्या फिर्यादीत म्हटले आहे की, सातपुडा पिपल्स एज्युकेशन सोसायटी मारुळ तालुका यावल या संस्थेच्या डीएड कॉलेजमध्ये सैयद मोहमद अनिस अमजद अली हे शेडयुल्ड १ वर डायरेक्टर म्हणुन पदावर असतांना सैयद मोहमद आसिफ मिया यांनी बोगस प्रोसेडींग तयार करुन व बोगस इलेक्शन दाखवुन अध्यक्ष म्हणून बेकायदेशीर रित्या पदावर होता. तर शेख हारून शेख लतीफ खाटिक हा सदर संस्थेमध्ये नोकरीस असून प्रिंसीपल या पदावर कार्यरत आहे. या तिघांनी संगनमताने कागदपत्रात हेरफार करुन बोगस प्रोसेंडींग तयार केली. तसेच डीएडच्या विदयार्थ्यांकडून अवैधरित्या मनमानी डोनेशन घेत त्यांचे कोणते रेकॉर्ड न ठेवता आलेल्या पैशांची मनमानी करुन अपहार केला आहे. एवढेच नव्हे तर संस्थेच्या कार्यभारास बोगस कागदपत्रके तयार करणे, खोटे प्रोसेडींग तयार करणे व डीएडची ॲडमीशन करतांना विदयार्थ्यांकडून मनमानी पैसे घेवुन कोणतेही रेकॉर्ड ठेवले नाही आणि त्याची अफरातफर केली आहे. तसेच संस्थेच्या पदाधिका-यांना विश्वासात न घेता फसवणूक केली. याप्रकरणी कोर्टाच्या आदेशान्वये गुन्हा दाखल करण्यात आला असून पुढील तपास पोहेकॉ देवीदास सुरदास हे करीत आहेत.
