जळगाव (प्रतिनिधी) तालुक्यातील नांद्रा बुद्रुकयेथील देशीदारूचे दुकान फोडून ५३ हजार ७६० रुपयांची ७६८ देशी दारुच्या बाटल्या चोरुन नेल्याची घटना घडली होती. याप्रकरणी जळगाव तालुका पोलीस ठाण्यात गुन्हा दाखल करण्यात आला होता. पोलीसांची तपासाची चक्रे फिरवत दुकान फोडणाऱ्या टोळीचा पर्दाफाश केला असून १० जणांना अटक करण्यात आली आहे.
जळगाव तालुक्यातील नांद्रा बु. येथील देशी दारुच्या दुकानात चोरी करुन तेथून ५३ हजार रुपये किंमतीच्या ७६८ देशी दारुच्या बाटल्या, इन्वर्हटरची बॅटरी असा मुद्देमाल चोरुन नेल्याची घटना घडली होती. याप्रकरणी तालुका पोलिसात गुन्हा दाखल करण्यात आला होता. हा गुन्हा उघडकीस आणण्यासाठी पोलीस अधीक्षक डॉ. महेश्र्वर रेड्डी यांनी गुन्हे शोध पथकातील कर्मचाऱ्यांना सूचना दिल्या होत्या. त्यानुसार पथकाकडून संशयितांचा शोध घेतला जात होता. पथकाने तपासचक्रे फिरवीत संशयित महेश उर्फ चिन्या भगवान सोनवणे, सागर अरुण सोनवणे, पवन कैलास सोनवणे, अश्विन जगन्नाथ सोनवणे, अजय भास्कर सपकाळे (सर्व रा. नांद्रा बु., ता. जळगाव), अजय गणेश न्हावी, कमलाकर प्रकाश कोळी (दोघ रा. रिधूर ता, जळगाव), सागर रविंद्र कोळी, निखील अनिल कोळी, जयेश प्रल्हाद कोळी (तिघ घार्डी, ता. जळगाव) यांना अटक केली. पोलिसांनी अटक केलेल्या टोळीची कसून चौकशी केली असता, त्यांनी गुन्ह्याची कबुली दिली. त्यांच्याकडून २८८ देशी दारुची बाटल्या व इन्वर्हटर बॅटरी व गुन्ह्यात वापरलेले वाहन असा एकूण ७ लाख ३० हजार रुपयांचा मुद्देमाल जप्त करण्यात आला. त्यांच्याकडून अजून काही गुन्हे उघडकीला येण्याची शक्यता आहे. त्यानुसार तपासाला सुरूवात करण्यात आले आहे.
