जळगाव (प्रतिनिधी) रत्नागिरी येथील जिल्हाधिकारीपदी जिल्हा परिषदेचे अलीकडेच बदली झालेले मुख्य कार्यकारी अधिकारी डॉ. बी. एन. पाटील यांची नियुक्ती करण्यात आली आहे. डॉ. बी.एन. पाटील हे २०१४ च्या आयएएस बॅचचे अधिकारी आहेत.
काही दिवसांपूर्वीच जळगाव जिल्हा परिषदेच्या मुख्य कार्यकारीपदी पंकज आशिया यांची नियुक्ती करण्यात आली असून त्यांनी पदभार स्वीकारला आहे. दरम्यान, मावळते सीईओ डॉ. बी. एन. पाटील यांना अद्यापही पोस्टींग मिळाली नव्हती. मात्र, काल सायंकाळी राज्य सरकारने २० आयएएस अधिकाऱ्यांच्या बदल्या जाहीर केल्या आहेत. यात डॉ. बी. एन. पाटील यांची रत्नागिरी येथील जिल्हाधिकारीपदी नियुक्ती करण्यात आली आहे. ते लक्ष्मीनारायण मिश्रा यांच्या जागी रत्नागिरीच्या जिल्हाधिकारीपदाची सूत्रे सांभाळणार आहेत.
