अहमदाबाद (वृत्तसंस्था) भारत आणि इंग्लंडदरम्यान डे-नाइट कसोटी अमहमदाबादमधील मोटेरा स्टेडियममध्ये सुरू आहे. दरम्यान, टीम इंडियाचा ऑफ स्पिनर आर.अश्विन याने इंग्लंडविरुद्धच्या तिसऱ्या टेस्टमध्ये इतिहास घडवला आहे. जोफ्रा आर्चरची विकेट घेत अश्विनने टेस्ट क्रिकेटमध्ये ४०० विकेट घेण्याचा टप्पा गाठला आहे. टेस्ट क्रिकेटमध्ये सगळ्यात जलद ४०० विकेट घेणाऱ्या खेळाडूंच्या यादीत अश्विन दुसऱ्या क्रमांकावर आहे.
अश्विनने ७७ व्या टेस्टमध्ये ४०० विकेट पूर्ण केल्या आहेत. भारताकडून सगळ्यात जलद ४०० विकेट घेण्याचा विक्रमही अश्विनच्या नावावर झाला आहे. याआधी हे रेकॉर्ड अनिल कुंबळेच्या नावावर होतं. कुंबळेने ८५ टेस्टमध्ये ४०० विकेट घेतल्या होत्या. या टेस्ट आधी अश्विनला ४०० विकेट पूर्ण करायला ६ विकेटची गरज होती. पहिल्या इनिंगमध्ये त्याने ३ विकेट घेतल्या होत्या. तर दुसऱ्या इनिंगमध्ये ३ विकेट घेत त्याने विक्रमाला गवसणी घातली.
टेस्ट क्रिकेटमध्ये सगळ्यात जलद ४०० विकेट घेणाऱ्या खेळाडूंच्या यादीत अश्विन दुसऱ्या क्रमांकावर आहे. अश्विनने ७७ व्या टेस्टमध्ये ४०० विकेट पूर्ण केल्या आहेत. अश्विन जगात सर्वात वेगवान ४०० विकेट घेण्याच्या यादीत श्रीलंकेच्या मुथैया मुरलीधरननंतर दुसऱ्या नंबरवर आहे. मुरलीधरनने ७२ व्या टेस्टमध्ये ४०० विकेट घेतल्या होत्या. शिवाय, सर्वात जलद ४०० विकेटपर्यंत जाण्याचा भारतीय रेकॉर्ड अनिल कुंबळेचा नावे होता. कुंबळेने ८५ व्या टेस्टमध्ये ४०० विकेट पूर्ण केल्या होत्या. भारताकडून सगळ्यात जलद ४०० विकेट घेण्याचा विक्रम आता अश्विनच्या नावावर झाला आहे.
