अविनाश भोसले यांना १० दिवसांची सीबीआय कोठडी

मुंबई (वृत्तसंस्था) यस बँक आणि DHFL घोटाळा प्रकरणी पुण्यातील प्रसिद्ध उद्योजक अविनाश भोसले (Avinash Bhosle) यांना सीबीआयने अटक केलीये. आज त्यांना मुंबई सत्र न्यायालयात हजर करण्यात आले असता 10 दिवसांची सीबीआय कोठडी सुनावली आहे. सीबीआयने केलेली कारवाई बेकायदेशीर असल्याचा भोसलेंचा दावा कोर्टाने फेटाळला आहे. तसेच सीबीआयला अविनाश भोसलेंना मुंबईबाहेर नेण्यास मनाई कोर्टाने केली आहे.

सीबीआयने अविनाश भोसले यांना 26 मे रोजी पुण्यातून अटक केली होती. त्यानंतर मुंबईतील सीबीआय कोर्टात त्यांना 27 मे रोजी हजर करण्यात आले होते. सीबीआयनं भोसलेंची 10 दिवसांकरता रिमांड मागितली होती. मात्र सीबीआयची कारवाई बेकायदेशीर असल्याचा दावा करत भोसलेंच्या वकिलांनी रिमांडला विरोध केला होता. कोर्टाने हा दावा फेटाळला आहे.

अविनाश भोसले यांना अटक प्रकरण काय?

येस बँक आणि डीएचएफएल घोटाळ्याप्रकरणी ईडी, सीबीआयकडून याआधी चौकशी
2018 साली एप्रिल ते जून दरम्यान हजारो कोटी रुपये एका खात्यातून दुसऱ्या खात्यात वळते करण्यात आले
वाधवान यांना येस बँकेकडून कर्ज मिळवून दिल्याचा आरोप
सीबीआयच्या मते यात मोठ्या उद्योजकांच्या कंपन्यांचा समावेश होता
बांधकाम व्यावसायिक अविनाश भोसले, चित्रपट निर्माते संजय छाब्रिया, बलवा आणि गोएंका यांचा समावेश
ईडीकडून याआधी अविनाश भोसले यांची 40 कोटींची संपत्ती जप्त