गुना (वृत्तसंस्था) मध्य प्रदेशातील (Madhya Pradesh) गुना जिल्ह्यात जन्मदात्या बापानं आपल्या मुलीवर अत्याचार करुन तिची हत्या केल्याची धक्कादायक घटना समोर आलीय. हत्येनंतर वडिलांनी 14 वर्षीय मुलीच्या मृतदेहावरही बलात्कार केलाय. या अमानुष आणि क्रूर प्रकरणातील आरोपी वडिलांना पोलिसांनी अटक केली असून त्याची चौकशी सुरू आहे.
हे संपूर्ण प्रकरण गुना जिल्ह्यातील मुकावन गावचे आहे. एसपी राजीव कुमार मिश्रा यांनी सांगितले की, गावातील 40 वर्षीय रहिवाशाने कॅट पोलिस स्टेशनमध्ये आपल्या मुलीच्या हरवल्याची तक्रार नोंदवली होती. त्यांनी सांगितले की, त्यांची 14 वर्षांची मुलगी मंगळवारी दुपारी 12 वाजता घरातून अचानक गायब झाली. वडिलांच्या तक्रारीवरून कॅट पोलिस ठाण्यात गुन्हा दाखल करून तपास सुरू करण्यात आला. तपासादरम्यान कळले की, मुलीला तिच्या वडिलांसोबत शेवटचे पाहिले होते. यानंतर पुन्हा एकदा आरोपीची चौकशी केली असता तो वेगवेगळी वक्तव्ये करून पोलिसांची दिशाभूल करण्याचा प्रयत्न करत होता. त्यामुळे त्याच्या मनात शंका अधिकच वाढली. त्याला ताब्यात घेतल्यानंतर त्याने चौकशीत सर्व काही काबुल केले. आपल्या कृत्याबद्दल कुणालाही कळू नये, म्हणून त्याने मुलीची हत्या केली, असे त्याने सांगितले.
जंगलात बलात्कार केला
आरोपी वडील दिलीपसिंग भील हे सासरच्या घरी घरजावई म्हणून राहतात. स्वतःच्या 14 वर्षीय मुलीसोबत शारीरिक संबंध ठेवण्याचा प्रयत्न केला. मात्र, ती न पटल्याने आरोपीने तिला आमिष दाखवून जंगलात नेले. येथे त्याने मुलीसोबत गैरवर्तन करण्यास सुरुवात केली. प्रतिकार केल्यावर त्याने संतापून मुलीची हत्या केली. यानंतर हैवान वडिलांनी मृतदेहावर बलात्कार केला.
पोलिसांनी सांगितले की, आरोपी वडील मंगळवारी दुपारी बाराच्या सुमारास मुलीला विख्याजवळील दुमडोली जंगलात घेऊन गेले. याठिकाणी संपूर्ण घटना पार पाडल्यानंतर मृतदेह तशाच अवस्थेत टाकून तो हरवल्याची तक्रार लिहिण्यासाठी पोलिस ठाण्यात आला. चौकशी केली असता, त्याने वारंवार आपले म्हणणे बदलून पोलिसांची दिशाभूल करण्याचा प्रयत्न केला, त्यामुळे पोलिसांना त्याच्यावर संशय आला.
