जळगाव (प्रतिनिधी) शहरातील मेहरुण परिसरातील बरीरा युसुफ पटेल नावाची विद्यार्थिनी येथील ओझोड विद्यापीठात वैद्यकीय महाविद्यालयात तिसऱ्या वर्षाला शिकत असताना युद्ध भडकल्याने तिला भारतात परत यावे लागले. अत्यंत कठीण परिस्थितीतून भारत सरकारच्या सहाय्याने ती दिल्ली दिल्लीवरून मुंबई व मुंबईवरून जळगावला बुधवारी राजधानी एक्सप्रेसने रात्री जळगाव रेल्वे स्टेशनवर आगमन झाले.
यावेळी तिचे स्वागत जळगाव जिल्हा मुस्लिम मनियार बिरादरीचे फारुक शेख, ताहेर शेख, जुलकर नैन, अमरुल्लाह सय्यद, शहा बिरादरीचे अनीस शाह, शेख सय्यद बिरादरीचे समीर शेख व काज़िम सय्यद, खाटीक बिरादरीचे यूसुफ ताहेर खाटीक, तसे भारतीय जनता पार्टीचे आमदार राजूमामा भोळे, शहराध्यक्ष दीपक सूर्यवंशी, डॉ राधेश्याम चौधरी, नगरसेवक विशाल त्रिपाठी तसेच इक़रा महाविद्यालयातील शिक्षक वृंद यावेळी खास उपस्थित होते.
हिजाबधारी बरीराचे भारत माता की जय घोषणेसह स्वागत
बरीरा पटेल राजधानी एक्सप्रेसने उतरताच ती यूक्रेन ते जळगाव हिजाब घालून आली व तिचे स्वागत जळगाव शहराचे आमदार राजू मामा भोळे हे करीत असताना त्यांचे कार्यकर्ते भारत माता की जय, वंदेमातरम, देश का नेता कैसा हो नरेंद्र मोदी जैसा हो अशा घोषणा देत असतांना एक चांगला संदेश बघणाऱ्यांना जात होता.
सदका देऊन बिरदारीने मानले अल्लाहचे आभार
बरीरा ही सुखरूप परत आल्याने मनियार बिरदारीने सदका (दान) त्याच ठिकाणी उपस्थित गरीब व्यक्तिना देऊन अल्लाहचे आभार मानले.
अल्लाह कड़े विशेष प्रार्थना
सदरचे युद्ध हे त्वरित थांबावे व निष्पाप लोक जे मृतुमुखि पडत आहे. त्यांच्यासाठी विशेष प्रार्थना करण्यात आली
