पहूर (प्रतिनिधी) येथून जवळच असलेल्या एका गावात विवाहितेचा विनयभंग करून परिवारातील सदस्यांना मारहाण केल्याची घटना घडली आहे. याप्रकरणी पहूर पोलीस स्थानकात चौघांविरुद्ध गुन्हा करण्यात आला आहे.
यासंदर्भात अधिक असे की, दि. २२ मे २०२२ रोजी शंकर रामदास बनारसे यांनी दारूच्या नशेत पिडीत महिलेचा पदर ओढून मनास लज्जा उत्पन्न करून असे कृत्य केले. त्याबाबत पिडीत महिला व महिलेचा पती, सासू, देर असे शंकर रामदास वनारसे, ज्ञानेश्वर सुभाष धुमाळ यांच्या परीवारातील लोकांना समजावण्यास गेले होते. यावेळी पिडीत महिलेस लाथाबूक्यांनी मारहाण करून शंकर वनारसे व त्याचा भाचा ज्ञानेश्वर धमाळे यांनी त्यांच्या हातातील काठ्यांनी डोक्यावर, पाठीवर मारहाण केली. तसेच पिडीत महिलेचा दिर जगदेव गाढवे यास काठीने डोक्यावर व डाव्या हातावर मारहाण करून शिवीगाळ करून दमदाटी केली. याप्रकरणी पहूर पोलिस स्थानकात चौघांविरुद्ध गुन्हा दाखल करण्यात आला असून पुढील तपास पोहेकाँ प्रकाश पाटील हे करीत आहेत.
