धरणगाव (प्रतिनिधी) तालुक्यातील साळवा येथे मुलगी पाहण्यासाठी जाणाऱ्या तरुणाला चार अज्ञात चोरट्यांनी लुटल्याची घटना नांदेड फाट्यावर दि. १५ रोजी घडला.
या प्रकरणी भागीराम कुवरसिंग बारेला (वय- १९ वर्ष, धंदा- मजुरी रा. झापडमल्ली ता सेंधवा जि.बडवाणी राज्य- मध्यप्रदेश ह.मू.लिलाधर भिका चोधरी धनवाडी ता. चोपडा जि. जळगाव याच्या शेतात) हा तरुण चोपडा येथून साळवा येथे लग्नासाठी मुलगी पाहण्यासाठी दुचाकीवरून जात होता. त्याच्या पुढे मावशी आणि मावसा हे देखील दुचाकीवरून जात होते. नांदेड फाट्याजवळ मागून दोन दुचाकी आले व त्यावरील चौघांनी भागीराम बारेला याला थांबवले. चौघ चोरट्यांपैकी दोघांच्या तोंडाला रुमाल बांधलेले होते.
चोरट्यांनी भागीराम बारेलाकडून मोबाईल, दुचाकी आणि ५०० रुपये रोख असा एकूण २५ हजार ५०० रुपयाची रोकड जबरी हिसकावून पोबारा केला. या प्रकरणी धरणगाव पोलिसात चौघं चोरट्यांविरुद्ध गुन्हा दाखल करण्यात आला असून पुढील तपास पोलीस निरीक्षक पवन देसले यांच्या मार्गदर्शनाखाली सपोनि निलेश वाघ हे करीत आहेत.
