जळगाव (प्रतिनिधी) तुमच्या घरात वास्तूदोष असून पूजा करावी लागणार असल्याचे सांगत सोन्याचे दागिने घेऊन हरीष उर्फ हरी गुलाब गदाई (रा. देवगाव राजापूर, ता. पैठण जि. छत्रपती संभाजीनगर) हा भोंदूबाबा दोन वर्षांपासून फरार होता. शनिपेठ पोसिांच्या पथकाने पहून येथून त्याच्या मुसक्या आवळल्या असून त्याच्याकडून चोरी केलेले सोने जप्त केले आहे.
शहरातील आसोदा रोड परिसरातील रहिवासी छाया रतन बाविस्कर यांच्याकडे २६ जानेवारी २०२२ रोजी असलेल्या पुजेच्या ठिकाणी सोन्याचे मंगळसूत्र व सोन्याच्या बाळ्या ठेवल्या होत्या. याठिकाणी भगवे कपडे घालून एक भोंदूबाबा आला. त्याने छाया बाविस्कर यांना तुमच्या घरात वास्तूदोष असून मला पूजा करावी लागणार असल्याचे सांगितले. त्या महिलेने त्या भोंदूबाबावर विश्वास ठेवून त्याला चहा बनविण्यासाठी त्या घरात गेल्या. त्याच वेळी भोंदूबाबाने पुजेत ठेवलेले २५ हजार रुपये किंमतीचे दागिने घेवून पसार झाला होता. याप्रकरणी शनिपेठ पोलिस ठाण्यात गुन्हा
दाखल करण्यात आला होता. याचा तपास सुरू असताना सदर भोंदूबाबा पहूर परिसरात असल्याची माहिती शनिपेठ पोलिस ठाण्याचे पोलिस निरीक्षक रंगनाथ धारबळे यांना मिळाली. त्यांनी पथक तयार करुन कारवाई करण्याच्या सूचना दिल्या. त्यानुसार पथकाने पहून येथून त्या भोंदूबाबाच्या मुसक्या आवळल्या.
या पथकाची कारवाई !
ही कारवाई पो.नि.रंगनाथ धारबळे यांच्या मार्गदर्शनात गुन्हे शोध पथकातील उपनिरीक्षक योगेश ढिकले, पोहेकॉ परिष जाधव, राहुल पाटील, राहुल घेटे, अनिल कांबळे भागवत, शिंदे यांनी केली.
