जळगाव (प्रतिनिधी) बीएचआर घोटाळ्यातील मुख्य संशयित सुनील झंवरची पोलीस कोठडी संपल्यानंतर त्याची आज न्यायालयीन कोठडीत रवानगी झाली आहे. दरम्यान, झंवरला पुणे आर्थिक गुन्हे शाखेच्या पथकाने नाशकात १० ऑगस्ट रोजी सापळा रचून अटक केली होती.
बीएचआर घोटाळ्यातील मुख्य संशयित सुनील झंवरची पोलीस कोठडी संपल्यानंतर त्याला आज न्यायालयात हजर करण्यात आले होते. त्यानंतर त्याची न्यायालयीन कोठडीत रवानगी करण्यात आली. दरम्यान, झंवरने पोलीस चौकशीत काही महत्वपूर्ण गोष्टी मान्य केल्या आहेत. तर अनेक गोष्टी नाकारल्या. तसेच अनेक प्रश्नांना उडवाउडवीची उत्तरे दिली असल्याचे सरकारी पक्षाने न्यायालयाने निदर्शनास आणून दिले होते. तर झंवरने मंगेश चव्हाण यांच्यासोबत आपले आर्थिक संबंध असल्याचे मान्य केले आहे. दुसरीकडे झंवरने चौकशीत काही गोष्टी मान्य केल्या आहेत. पोलिसांनी झंवरच्या जळगाव येथील घर व कार्यालयातून जप्त केलेले कागदपत्र, शासकीय कार्यालयांचे शिक्के, आमदार, खासदारांचे लेटरपॅड आदी वस्तू त्याला दाखवून पडताळणी करून घेण्यात आल्याचे कळतेय. मात्र, अनेक प्रश्नांची उत्तरे देण्यास झंवरने टाळाटाळ केल्याची माहिती समोर येत आहे. दरम्यान, झंवरला नाशिक येथे नेत चौकशी करण्यात आली होती. परंतू त्याने पोलिसांना समाधानकारक माहिती दिली नसल्याचे वृत्त आहे. दरम्यान , इतर संशयीतांप्रमाणे झंवरचा मुक्काम देखील येरवडा कारागृहात राहणार आहे.
