जळगाव (प्रतिनिधी) बीएचआर घोटाळ्याच्या तपासाधिकारी पोलिस निरीक्षक सुचेता खोकले यांची बदली आर्थिक गुन्हे शाखेतून दहशतवाद विरोधी पथकात बदली झाली आहे. पुणे शहरात सहा वर्षे पुर्ण झाल्यामुळे खोकले यांची प्रशासकीय बदली झाल्याचे वृत्त समोर आले आहे. दरम्यान, तपासाधिकारी खोकलेंच्या बदलीस स्थगिती मिळवण्याची प्रक्रीया सुरु असल्याचे कळते.
पुणे शहरात सहा वर्षे पुर्ण झाल्यामुळे खोकले यांची प्रशासकीय बदली झाली आहे. शनिवारी (१४ ऑगस्ट) रात्री उशिरा तपासाधिकारी पोलिस निरीक्षक सुचेता खोकले यांनी पुण्याच्या आर्थिक गुन्हे शाखेतून दहशतवाद विरोधी पथकात बदली झाली. बीएचआर संदर्भात डेक्कन पोलिस ठाण्यात रंजना घोरपडे यांच्या फिर्यादीवरुन दाखल गुन्हा झाल्यापासून खोकले या गुन्ह्याचा तपास करीत आहेत. दरम्यान, खोकले यांच्या बदलीचे आदेश आले आहेत. परंतु, सध्या त्यांच्याकडे बीएचआरच्या महत्त्वाच्या गुन्ह्याचा तपास असल्यामुळे बदलीस स्थगिती मिळवण्याचे प्रक्रीया केली आहे. दोन दिवसात त्यांच्या बदलीस स्थगिती मिळण्याची शक्यता आहे. अशी माहिती आर्थिक गुन्हे शाखेच्या पोलिस उपायुक्त भाग्यश्री नवटके यांनी दिली आहे.