भुसावळ ः भुसावळ-पुणे-भुसावळ नवीन एक्स्प्रेस सुरू करावी, रावेर लोकसभा क्षेत्रांतर्गत असणार्या रेल्वे स्टेशनवर विविध एक्स्प्रेस गाड्यांना थांबा देण्यात यावा तसेच आधी सुरू असलेल्या व कोविड कालावधीत थांबा रद्द केलेल्या गाड्यांना पुन्हा थांबा द्यावा व सालाबादाप्रमाणे आषाढी एकादशीनिमित्त अनआरक्षित मोफत ‘विशेष आषाढी रेल्वे’ साठी ेंद्रीय राज्यमंत्री रक्षा खडसे यांनी रेल्वे मंत्री आश्विनी वैष्णव यांची नवी दिल्ली येथे भेट घेतली. यावेळी भुसावळ-पुणे लवकरच नवीन रेल्वे सुरू करण्याचे आश्वासन देण्यात आले.
लवकरच सुरू होणार भुसावळ-पुणे रेल्वे
जळगाव व बुलढाणा जिल्ह्यातील अनेक नागरिक पुण्यात स्थायीक असून दररोज कामानिमित्त जाणार्यांची संख्या मोठ्या प्रमाणावर आहे. भुसावळ-पुणे रेल्वे सुरू झाल्यास प्रवाशांची सोय होणार आहे. तसेच बोदवड स्थानकावर नवजीवन (12655/12656), सुरत-अमरावती (20925/20926), आजाद हिंद (12129/12130) तसेच नांदुरा स्थानकावर हैद्राबाद-जयपूर सुपरफास्ट (12719/12720), प्रेरणा एक्स्प्रेस (22137/22138), गरीबरथ (12113/12114), रावेर स्थानकावर महानगरी (22177/22178), निंभोरा स्थानकावर अमृतसर एक्सप्रेस (11057/11058), भुसावळ स्थानकावर राजधानी एक्सप्रेस टेक्नीकल हॉल्ट. मलकापूर स्टेशनवर अमरावती एक्स्प्रेस (22117/22118), गरीबरथ (12113/12114) आदी गाड्यांना थांबा देण्याबाबत मंत्री खडसे यांनी आग्रह धरला. आषाढी एकादशीनिमित्त पंढरपूर जाणार्या भक्तांसाठी दरवर्षी प्रमाणे 16 जुलै जाण्यासाठी व 17 जुलै परत येण्यासाठी ‘भुसावळ-पंढरपूर-भुसावळ’ अनारक्षित मोफत विशेष आषाढी रेल्वे गाडी उपलब्ध करण्याची मागणी केंद्रीय राज्यमंत्री रक्षा खडसे यांनी रेल्वे मंत्री आश्विनी वैष्णव यांच्याकडे केली. तत्काळ योग्य ती कार्यवाही करण्यात येईल, असे आश्वासन यावेळी त्यांनी दिले.
