जळगाव (प्रतिनिधी) येथील तहसील कार्यालयातील शिपायाला २ हजाराची लाच स्वीकारतांना लाचलुचपत विभागाच्या पथकाने रंगेहात पकडल्यामुळे प्रचंड खळबळ उडाली आहे.
जळगाव तहसील कार्यालयाचे रेल्वे स्थानकाजवळील पोलिस कार्यालयाजवळ कार्यालय असून तेथे शिपाई मगन गोबा भोई (रा. वाघ नगर, जळगाव) हा कार्यरत आहे. संजय गांधी निराधार योजनेंतर्गत लाभार्थींचे फार्म स्वीकारणे व लाभार्थींना शासकीय अनुदान मिळवून देणे हे त्याचे काम आहे. तक्रारदारकडे मगन भोई याने आज रोजी आईचे काम करून देण्यासाठी ३ तीन हजार व तक्रारदाराचे काम करून २ दोन हजार मागितले होते. परंतू तक्रारदाराची लाच देण्याची इच्छा नसल्यामुळे त्यांनी जळगाव एसीबीकडे तक्रार दिली. त्यानुसार आज दुपारी १ वाजेच्या सुमारास एसीबीने सापळा रचून शिपाई मगन भोई याला ताब्यात घेतले आहे.
पोलिस अधीक्षक सुनील कडासने, अपर पोलिस अधीक्षक एन.एस.न्याहळदे, पोलिस उपअधीक्षक (रीडर) सतीश डी.भामरे यांच्या मार्गदर्शनाखाली जळगाव एसीबीचे पोलिस उपअधीक्षक शशीकांत पाटील यांच्यासह पोलिस निरीक्षक संजोग बच्छाव व पोलिस निरीक्षक एन.एन.जाधव, एएसआय दिनेशसिंग पाटील, एएसआय सुरेश पाटील, हवालदार अशोक अहिरे, हवालदार सुनील पाटील, हवालदार रवींद्र घुले, महिला हवालदार शैला धनगर, पोलिस नाईक मनोज जोशी, पोलिस नाईक जनार्धन चौधरी, नाईक सुनील शिरसाठ, कॉन्स्टेबल प्रवीण पाटील, प्रवीण पाटील, पोलिस कॉन्स्टेबल महेश सोमवंशी, पोलिस कॉन्स्टेबल नासीर देशमुख, कॉन्स्टेबल ईश्वर धनगर, कॉन्स्टैबल प्रदीप पोळ आदींच्या पथकाने यशस्वी केला.
