चोपडा (प्रतिनिधी) तालुक्यातील सातपुड्यातील मेलाणे गावात मक्याच्या शेतात लागवड केलेला ३९ लाख २० हजार रुपये किमतीचा ९८० किलो गांजा स्थानिक गुन्हे शाखेच्या पथकाने पोलिसांनी छापा टाकून जप्त केला. या प्रकरणी शेतमालक अर्जुन सुमाऱ्या पावरा (वसावे, वय ५०) या संशयितास पोलिसांनी अटक करण्यात आली आहे.
तालुक्यातील मेलाणे शिवारात गांज्याची शेतात लागवड होत असल्याच्या गुप्त माहिती स्थानिक गुन्हे शाखेचे वरिष्ठ पोलीस निरीक्षक किसन नजन-पाटील यांना मिळाली होती. त्यानुसार मंगळवारी चोपडा ग्रामिण पोलीस स्टेशन च्या सहकार्याने स्थानिक गुन्हे शाखेचे पथक मेलाणे शिवारात धडक दिली. दि.13 रोजी पहाटेच्या सुमारास मेलाणें शिवारातील मक्याच्या शेतात अंतर पिकात गाज्यांची लागवड दिसून आला. गांजाची कापणी करून त्याची रात्री उशिरापर्यंत मोजणी करण्यात आली. हा संपूर्ण गांजा 980 किलो इतका असून शेत मालक व मुख्य आरोपी अर्जुन सुमारा पावरा याला अटक करण्यात आली आहे.
चोपडा उपविभागीय पोलिस अधिकारी डॉ.कुणाल सोनवणे, पोलिस निरीक्षक कावेरी कमालकर, सहाय्यक पोलिस निरीक्षक शेषराव नितनवरे, हवालदार संदीप पाटील, प्रवीण मांडोळे, स्थानिक गुन्हे शाखेचे युनूस शेख, नंदलाल पाटील, दर्शन ढाकणे यांच्या पथकाने हा गांजा जप्त केला. तर पुढील तपास चोपडा ग्रामीण पोलीस निरीक्षक कावेरी कमलामकर करत आहेत. यावेळी स्थानिक गुन्हा शाखेचे कर्मचारी, तसेच चोपडा ग्रामिण पोलीस स्टेशनच्या कर्मचाऱ्यांनी मेहनत घेतली.
